monumenta.ch > Seneca Maior > sectio 4

Word Selection for Searching

Report an Error in this Sectio
Seneca Maior, Controversiae, 10, 3, 4
BUTEONIS. Ante ipsum limen domus decessit, ne dubitari posset, utrum marito perisset an patri. Ubi (i)stud vidisti, ubi audisti? nego te istuc in bello didicisse. MARULLI. 'Meruerat' inquit 'mori'; etiamnunc accusas? certe iam tibi satisfactum est. O novum monstrum! irato victore vivendum est, exorato patre moriendum est. PASSIENI. Utinam intervenissem; non satisfecisses sola patri. Furiosum te dicerem, si pro genero non rogasses. Secutus est gener diversas partes, uxor suas.